18:29 (IST) 10 May 2024
ब्रिजभूषण शरण सिंहांच्या अडचणीत वाढ, न्यायालयाने दिले ‘हे’ आदेश
भारतीय जनता पार्टीने खासदार ब्रिजभूषण शरण सिंह यांच्या अडचणीत वाढ झाली आहे. महिला कुस्तीपटूंच्या लैंगिक शोषणप्रकरणी ब्रिजभूषण शरण सिंह यांच्यावर आरोप निश्चित करण्याचे आदेश दिल्लीच्या राऊस एव्हेन्यू न्यायालयाने दिले आहेत.
18:22 (IST) 10 May 2024
पिंपरी-चिंचवडमध्ये प्रचारावर ‘पाणी’… वादळी वाऱ्यासह जोरदार पाऊस
पिंपरी : पिंपरी-चिंचवड शहरात वादळी वाऱ्यासह जोरदार अवकाळी पाऊस झाला. या पावसाचा प्रचारावर परिणाम झाला. रॅलीवर पाणी फेरले. दरम्यान, पावसामुळे उकाड्याने हैराण झालेल्या नागरिकांना दिलासा मिळाला.
वाचा सविस्तर…
17:53 (IST) 10 May 2024
पुणे : मुसळधार पावसामुळे शहरात दहा ठिकाणी झाडे पडली; वाहतूक विस्कळीत
पुणे : शहरात झालेल्या मुसळधार पावसामुळे दहा ठिकाणी झाडे पडण्याच्या घटना घडल्या. झाडांच्या फांद्या रस्त्यात पडल्याने वाहतूक विस्कळीत झाली. अग्निशमन दलाच्या जवानांनी फांद्या हटवून रस्ते वाहतुकीस मोकळे करून दिले.
वाचा सविस्तर…
17:49 (IST) 10 May 2024
‘समृद्धी’वरून प्रवास करणार आहात? मग, दरोडेखोरांपासून….
बुलढाणा: अपघातामुळे वादग्रस्त ठरलेल्या समृद्धी महामार्गावर आता गुन्हेगारी कृत्याचा धोका वाढला आहे. आज शुक्रवारी पहाटे चार प्रवाशांना चाकूचा धाक दाखवून त्यांच्या जवळील रोकड, वस्तू, दागिने असा ऐवज लुटण्यात आला. हृषिकेश शिवाजी दुरगुळे (रा. तेरखेडा, ता. वाशी, जिल्हा धाराशिव) हे आपल्या नातेवाईकांसह समृद्धीवरून प्रवास करीत होते. आराम करण्यासाठी त्यांनी वाहन एका पेट्रोल पंपाजवळ लावले. आराम करीत असताना पहाटे ३ वाजता तिघा जणांनी त्यांना चाकूचा धाक दाखवून रोकड, ३ लॅपटॉप असा १ लाख ६५ हजारचा ऐवज हिसकावून नेला.
17:41 (IST) 10 May 2024
पुणे शहरात अवकाळी पावसाची हजेरी
पुणे शहर आणि परिसरात आज संध्याकाळी ५ च्या सुमारास जोरदार पावसाने हजेरी लावली. सोसाट्याचा वाऱ्यासह आलेल्या या अवकाळी पावसामुळे पुणे शहरात १० ठिकाणी झाडपडीच्या घटना घडल्या. त्यामुळे काही वाहनांचे नुकसान झाले. पावसामुळे शहरातील विविध भागात रस्ते वाहतूक विस्कळीत झाली असून नागरिकांना वाहतूक कोंडीचा सामना करावा लागत आहे.
16:45 (IST) 10 May 2024
खालापूर तालुक्यातील रासायनी पाताळगंगा एम आय डी सी तील इस्कॉन सोनी कंपनी येथे भीषण आग
सदर कंपनीतील गोडाऊन ला आग लागल्याचे प्राथमिक माहिती आहे. या गोडाउन मध्ये केमिकल ड्रम मोठ्या प्रमाणात ठेवले असल्याने अगीचा मोठा भडका झाला. MIDC फायर ब्रिगेड जवळच सदर आगीची घटना घडली आहे.
या ठिकाणी टाटा स्टीलची फायर ब्रिगेड, खोपोली नगरपालिकेची फायर ब्रिगेड, मंगलम कंपनी, पनवेल महानगर पालिका फायर ब्रिगेड, सह पातळगंगा फायर ब्रिगेड टिम व स्थानिक पोलीस प्रशासन सह अपघात ग्रसतांच्या मदतीसाठी ची टिम व स्थानिक मोठया प्रमाणात आग विझवण्याचे प्रयत्न करत आहे.आता पर्यंत २ कामगार जखमी झाल्याची माहिती समोर आली असून त्याच्यावर रुग्णालयात उपचार चालू आहेत. खालापूर तहसीलदार आयुब तांबोळी यांनी मंगलम, अलाना, AM /NS इत्यादी कंपनीच्या फायर ब्रिगेडलारवाना केले आहे.
16:44 (IST) 10 May 2024
मुंबईतील १७ भूखंडांच्या ई लिलावाच्या निविदेस तिसऱ्यांदा मुदतवाढ, आता २५ मेपर्यंत निविदा सादर करता येणार
मुंबई : म्हाडाच्या मुंबई मंडळाने मुंबईतील विविध आरक्षण असलेल्या १७ भूखंडाचा ई लिलाव करण्याचा निर्णय घेतला होता. भूखंडांच्या ई लिलावासाठी मागविण्यात आलेल्या निविदेला तिसऱ्यांदा मुदतवाढ देण्यात आली आहे. आता इच्छुकांना २५ मेपर्यंत निविदा सादर करता येणार आहेत.
मालवणी, कांदिवली, टागोरनगर (विक्रोळी), कन्नमवारनगर (विक्रोळी), प्रतीक्षानगर आणि जोगेश्वरी येथील भूखंडांचा ई लिलावात समावेश आहे. शाळा, महाविद्यालय, रुग्णालय, मनोरंजन मैदान अशा विविध वापरासाठी हे भूखंड आरक्षित आहेत. विविध क्षेत्रफळाचे हे भूखंड असून या भूखंडासाठी मुंबई मंडळाने एक बोली निश्चित केली आहे. प्रति चौरस मीटर ४५ हजार ३०० रुपयांपासून १ लाख ६ हजार १७० रुपये प्रति चौरस मीटर दराने बोली निश्चित करण्यात आली आहे. या बोलीपेक्षा सर्वाधिक बोली लावणारी निविदाकार संस्था, व्यक्तींना हे भूखंड वितरीत केले जाईल. ई लिलावात सहभागी होण्यासाठी इच्छुकांना बोली रक्कमेच्या एक टक्के अनामत रक्कम अदा करावी लागणार आहे. मुंबई मंडळाला या भूखंड विक्रीतून किमान १२५ कोटी रुपये महसूल मिळण्याची शक्यता आहे.
16:43 (IST) 10 May 2024
नागपूर : ‘त्या’ ऑटो चालकाविरुद्ध ऑटोरिक्षा चालक संघटना सरसावली
नागपूर: उपराजधानीतील एका ऑटोरिक्षा चालकाने बुधवारी एका शाळकरी विद्यार्थीनीशी अश्लिल चाळे केल्याची चित्रफीत समाज माध्यमांवर व्हायरल झाली. ही विकृती ठेचून काढण्यासाठी या ऑटोरिक्षा चालकावर कठोर कारवाई करा, अशी मागणी खुद्द विदर्भ ऑटोरिक्षा चालक फेडरेशनकडून केली गेली.
सविस्तर वाचा…
16:41 (IST) 10 May 2024
डॉ.नरेंद्र दाभोलकरांच्या खुनातील मास्टरमाईंड हा शोधावाच लागेल ; विद्रोही सांस्कृतिक चळवळीचे उपाध्यक्ष विजय मांडके यांची मागणी
कराड: सामाजिक कार्यकर्ते व विचारवंत शहीद डॉ नरेंद्र दाभोलकर यांच्या खुनाच्या खटल्याचा पुण्याच्या विशेष न्यायालयाने आज निकाल दिला आहे. त्या निकालावर आम्ही व्यवस्था परिवर्तनाच्या चळवळीतील कार्यकर्ते व डॉ .नरेंद्र दाभोलकर यांचे समाजवादी युवक दलातील सहकारी अजिबात समाधानी नाही. सरकारी पक्षाने या निकालावर अपिलात जावे तसेच डॉ नरेंद्र दाभोलकर खुन प्रकरणाचा मास्टरमाईंड हा शोधावाच लागेल आणि त्याला शिक्षाही झालीच पाहिजे अशी मागणी विद्रोही सांस्कृतिक चळवळ महाराष्ट्रचे उपाध्यक्ष विजय मांडके यांनी केली आहे.
मांडके यांनी यासंदर्भातील प्रसिद्धी पत्रकात म्हटले आहे, की मुंबई उच्च न्यायालयाच्या निगराणीखाली डॉ नरेंद्र दाभोलकर खून प्रकरणाचा तपास केला जातो. डॉ दाभोलकर कुटुंबीयांना यात न्यायालयाचे दार ठोठवावे लागते. यातच तपास यंत्रणेचे अपयश आहे असे नाईलाजाने म्हणावेसे वाटते.
16:27 (IST) 10 May 2024
मतदानाला दोन दिवस बाकी असताना डॉ. अमोल कोल्हेंचा मोठा निर्णय, म्हणाले, ‘पुढील पाच वर्षांसाठी ब्रेक…’
मतदानाच्या दोन दिवस अगोदर हा निर्णय घेऊन कोल्हे यांनी टीकाकारांना गप्प बसवण्याचा प्रयत्न केला आहे.
सविस्तर वाचा…
16:00 (IST) 10 May 2024
मतदानाचा टक्का वाढविण्यासाठी आणि दुकानाच्या जाहिरातीसाठी पनवेलमधील व्यापाऱ्याची अनोखी शक्कल
पनवेल : लोकसभा निवडणुकीत मतदानाचा टक्का वाढविण्यासाठी आणि दुकानाची जाहिरात होण्यासाठी पनवेलमधील एका साडी विक्रेत्या व्यापाऱ्याने अनोखी शक्कल लढविली आहे. १३ मे रोजी मावळ लोकसभा मतदारसंघातील पनवेल विधानसभा क्षेत्रात मतदान होणार आहे.
वाचा सविस्तर…
15:59 (IST) 10 May 2024
माजी नगरसेवकांमुळे पुण्यात भाजपची धावाधाव
पुणे : पुणे लोकसभा मतदार संघात भाजपचे उमेदवार मुरलीधर मोहोळ आणि काँग्रेसचे उमेदवार रविंद्र धंगेकर यांच्यात चुरस निर्माण झाली असतानाच पुणे महापालिकेतील भाजपचे मात्र मूळचे काँग्रेस आणि राष्ट्रवादी काँग्रेसचे २७ माजी नगरसेवक हे काँग्रेसच्या संपर्कात असल्याने भाजपची त्यांना थोपविण्यासाठी धावाधाव सुरू झाली आहे.
वाचा सविस्तर…
15:31 (IST) 10 May 2024
आमदार रवींद्र वायकर यांना ठाकरे गटाची नोटीस
काही दिवसांपूर्वी आमदार रवींद्र वायकर यांनी शिवसेना शिंदे गटात प्रवेश केला. त्यानंतर रवींद्र वायकर यांना शिंदे गटाकडून लोकसभेची उमेदवारीही जाहीर झाली. पण आता शिवसेना ठाकरे गटाने रवींद्र वायकर यांना नोटीस बजावली असून तुम्हाला अपात्र का करु नये?, असा प्रश्न केला आहे.
14:20 (IST) 10 May 2024
मुख्यमंत्री अरविंद केजरीवालांना १ जूनपर्यंत अंतरिम जामीन मंजूर
दिल्लीचे मुख्यमंत्री अरविंद केजरीवाल यांना १ जूनपर्यंत सर्वोच्च न्यायालयाने अंतरिम जामीन मंजूर केला आहे. दिल्लीतील उत्पादन शुल्क धोरण घोटाळा प्रकरणामध्ये काही दिवसांपूर्वी अरविंद केजरीवाल
14:15 (IST) 10 May 2024
डाॅ. नरेंद्र दाभोलकर हत्या प्रकरणातील तपास अधिकाऱ्यांचा निष्काळजीपणा; विशेष न्यायालयाने तपास अधिकाऱ्यांना सुनावले
तीन आरोपींंची सबळ पुराव्याअभावी निर्दोष मुक्तता करण्यात येत असल्याचे निरीक्षण नोंदवून विशेष न्यायाधीश पी. पी. जाधव यांनी तपास अधिकाऱ्यांना सुनावले.
सविस्तर वाचा…
13:39 (IST) 10 May 2024
पंतप्रधान मोदींच्या एकत्र येण्याच्या प्रस्तावावर शरद पवारांची पहिली प्रतिक्रिया
पंतप्रधान नरेंद्र मोदी यांनी नंदुरबारमध्ये भाजपाच्या उमेदवार डॉ. हीना गावित यांच्या प्रचारार्थ घेतलेल्या सभेत शरद पवार यांना एनडीएत येण्याचा प्रस्ताव दिला. “लोकसभा निवडणुकीनंतर छोटे छोटे पक्ष काँग्रेसमध्ये विलीन होतील, असे शरद पवार म्हणत आहेत. त्यापेक्षा त्यांनी एकनाथ शिंदे आणि अजित पवार यांच्याप्रमाणे आमच्याबरोबर यावे. त्यांची सर्व स्वप्न पूर्ण होतील”, असा प्रस्ताव पंतप्रधान मोदी यांनी दिला होता. यावर आता शरद पवार यांनी आपली प्रत्युत्तर दिले आहे. सविस्तर वृत्त वाचण्यासाठी क्लिक करा
13:25 (IST) 10 May 2024
पंतप्रधान नरेंद्र मोदींची शरद पवार यांना एनडीएमध्ये येण्याची ऑफर
पंतप्रधान नरेंद्र मोदी यांची आज नंदूरबारमध्ये महायुतीच्या उमेदवार हिना गावीत यांच्या प्रचारासाठी सभा पार पडली. या सभेत बोलताना पंतप्रधान नरेंद्र यांनी शरद पवार यांच्या प्रादेशिक पक्ष काँग्रेसमध्ये विलीन करण्याच्या विधानावर भाष्य करत शरद पवार यांना एनडीएमध्ये येण्याची ऑफर दिली.
13:21 (IST) 10 May 2024
पनवेल : ४ हजार मतदारांपैकी ५२ मतदारांनी घरुन मतदानाचा हक्क बजावला
पनवेल : अपंग आणि वयोवृद्ध अशा व्यक्तींच्या घरापर्यंत मतपेटी घेऊन जाऊन निवडणूक आयोगाचे पथक मतदान करुन घेतात. याच योजनेतून मावळ लोकसभा मतदारसंघातील पनवेल विधानसभा क्षेत्रामधील ५२ व्यक्तींनी त्यांच्या घरुन मतदानाचा हक्क बजावला.
सविस्तर वाचा…
13:00 (IST) 10 May 2024
विदर्भात १५ ते २८ मे दरम्यान शून्य सावली दिवस
अकोला : कुतूहल लागून असलेला शून्य सावली दिवस विदर्भातील विविध जिल्ह्यांमध्ये १५ ते २८ मे दरम्यान अनुभवता येणार आहे. सदैव साथ देणारी आपली सावली काही क्षणांसाठी साथ सोडणार आहे.
सविस्तर वाचा…
12:59 (IST) 10 May 2024
आनंदवार्ता ! वैद्यकीय शाखेत नवीन अभ्यासक्रम, पदव्युत्तर जागांमध्येही होणार वाढ
वर्धा : नॅशनल मेडिकल कमिशन अर्थात राष्ट्रीय वैद्यक आयोगाने २०२४ – २५ या शैक्षणिक सत्रासाठी घेतलेला निर्णय या क्षेत्रासाठी खुशखबर देणारा ठरला आहे. पदव्युत्तर शाखेतील नवीन अभ्यासक्रम सुरू करण्यासाठी तसेच या शाखेतील जागा वाढविण्यासाठी १५३ अर्ज मंजूर केले आहे. त्याचा लाभ ११० वैद्यकीय महाविद्यालयात नवे पीजी अभ्यासक्रम तसेच ४३ महाविद्यालयांत पीजी अभ्यासक्रमच्या जागा वाढविण्यास होणार आहे. येथील दत्ता मेघे आयुर्विज्ञान अभिमत विद्यापीठाचे कुलगुरू डॉ. ललित वाघमारे यांनी यास दुजोरा दिला.
सविस्तर वाचा…
12:39 (IST) 10 May 2024
ठाकुर्ली चोळेत जलवाहिनीवरील व्हॉल्व्हमधून पाण्याची गळती; पादचारी, वाहन चालक त्रस्त
ठाकुर्ली चोळे भागातील पंचायत बावडी भागात रस्त्याच्या मध्यभागी असलेला जलवाहिनीवरून एक व्हॉल्व्ह मागील महिन्यापासून नादुरुस्त झाला आहे. या नादुरुस्त व्हॉल्व्हमधून सतत पाणी बाहेर पडून ते रस्त्यावरून वाहून जात आहे. सविस्तर वाचा…
12:38 (IST) 10 May 2024
विरोधकांच्या इंजिनात कुटुंबातील व्यक्तींसाठी जागा – उपमुख्यमंत्री देवेंद्र फडणवीस
देवेंद्र फडणवीस म्हणाले की, मागील दहा वर्षात पंतप्रधान नरेंद्र मोदी यांच्या नेतृत्त्वाखाली आपल्या देशाने सर्व क्षेत्रात प्रगती केली आहे.
सविस्तर वाचा…
12:38 (IST) 10 May 2024
गोरेगाव-मुलुंड जोड रस्त्याच्या रुंदीकरणाचा मार्ग उच्च न्यायालयाकडून मोकळा, भाडेपट्ट्याचे नूतनीकरण करण्याची मागणी फेटाळली
मुलुंड, भांडुप आणि कांजूरमार्ग येथील ७८२ एकर मिठागरांच्या जमिनीचा भाडेपट्टा रद्द करण्याचा निर्णय उच्च न्यायालयाने कायम ठेवताना जमिनीचा ताबा मीठ आयुक्तांकडे सोपवण्याचे आदेश पट्टेदाराला दिले आहेत. सविस्तर वाचा…
12:37 (IST) 10 May 2024
पुण्यातील वाहतूक सुरळीत करण्याचा ‘संकल्प’ सोडणारे स्वतः कोंडीत अडकतात तेव्हा…
वाहतूक कोंडीची ही समस्या सोडविण्यासाठी उपाययोजना करण्याच्या आश्वासनाचा समावेश मोहोळ यांच्या नुकत्याच प्रकाशित झालेल्या ‘संकल्पपत्रा’तही आहे.
सविस्तर वाचा…
12:37 (IST) 10 May 2024
मुदतपूर्व जन्म, सहाशे ग्रॅम वजन अन् शंभर दिवस रुग्णालयात…कसा यशस्वी झाला चिमुकल्याचा जगण्याचा संघर्ष?
सहाव्या महिन्यात जन्म झालेला असल्याने त्याच्या फुफ्फुस आणि हृदयाची वाढ पूर्णपणे झालेली नव्हती.
सविस्तर वाचा…
12:37 (IST) 10 May 2024
अमली पदार्थांची तस्करी प्रकरणी परदेशी व्यक्तीला अटक; पोटातून बाहेर काढल्या १५ कोटीच्या कोकेनच्या ७७ कॅप्सूल
महसूल गुप्तवार्ता संचालनालयाने (डीआरआय) अमली पदार्थांची तस्करी करीत असल्याच्या संशयावरून ३८ वर्षीय परदेशी नागरिकाला ताब्यात घेतले होते. या परदेशी नागरिकाच्या पोटातून कोकेनने भरलेल्या ७७ कॅप्सूल बाहेर काढण्यात आल्या. सविस्तर वाचा…
12:36 (IST) 10 May 2024
पुण्यात दररोज एक जण गमावतोय जीव! शहरातील रस्त्यांवर रोज किती अपघात?
ब्लॅकस्पॉटच्या ठिकाणी केलेल्या उपाययोजनांमुळे अपघाती मृत्यू कमी झाल्याचा दावा शासकीय यंत्रणांकडून केला जात आहे.
सविस्तर वाचा…
12:36 (IST) 10 May 2024
आपत्कालीन वैद्यकीय कक्षामुळे प्रवाशांना जीवदान! पुणे रेल्वे स्थानकाच्या आवारातच उपचार
रेल्वे प्रवाशाला तातडीची वैद्यकीय मदत आता स्थानकातच उपलब्ध होत आहे. यासाठी पुणे रेल्वे स्थानकाच्या आवारात आपत्कालीन वैद्यकीय कक्ष सुरू आहे.
सविस्तर वाचा…
12:36 (IST) 10 May 2024
इको पार्कसाठी आरक्षित भूखंडावर ईव्हीएम यंत्रे ठेवण्यासाठी गोदाम; निवडणूक आयोगाच्या कृतीची उच्च न्यायालयाकडून दखल
पिंपरी-चिचंवड येथे मेट्रो इको पार्कसाठी आरक्षित असलेला मोकळा भूखंड ताब्यात घेऊन तेथे ईव्हीएम, व्हीव्हीपॅट यंत्रे ठेवण्यासाठी गोदाम बांधल्याच्या केंद्रीय निवडणूक आयोगाच्या कृतीची उच्च न्यायालयाने गुरुवारी गंभीर दखल घेतली. सविस्तर वाचा…
12:35 (IST) 10 May 2024
राज ठाकरे यांच्या सभेनिमित्त सारसबाग परिसरात वाहतूकबदल…काय आहे व्यवस्था ?
महाराष्ट्र नवनिर्माण सेनेचे अध्यक्ष राज ठाकरे यांच्या सभेनिमित्त शुक्रवारी (१० मे) दुपारी चारनंतर सारसबाग परिसरात वाहतूकबदल करण्यात येणार आहे.
सविस्तर वाचा…
12:35 (IST) 10 May 2024
अक्षय तृतीयेच्या मुहूर्तावर श्रीमंत दगडूशेठ गणपतीला ११ हजार आंब्यांचा महानैवेद्य
साडेतीन मुहूर्तापैकी एक असलेल्या अक्षय तृतीयेच्या मुहूर्तावर श्रीमंत दगडूशेठ हलवाई गणपतीला ११ हजार आंब्यांचा महानैवेद्य शुक्रवारी दाखविण्यात आला.
सविस्तर वाचा…
12:34 (IST) 10 May 2024
मुलुंडमध्ये नाकाबंदी दरम्यान आढळली ४७ लाखांची रोकड
मुंबईत सध्या नाकाबंदी दरम्यान मोठ्या प्रमाणात रोकड मिळत आहे. मुलुंड परिसरात गुरुवारी एका मोटारीत पोलिसांना ४७ लाखांची रोकड जप्त केली असून याप्रकरणी पोलीस अधिक तपास करत आहेत. सविस्तर वाचा…
12:34 (IST) 10 May 2024
डॉ. नरेंद्र दाभोलकर हत्या प्रकरणाच्या मुख्य सूत्रधाराचा शोध घेण्यात अपयश…डॉ. हमीद दाभोलकर जाणार उच्च न्यायालयात
पुण्यातील विशेष न्यायालयाने दिलेल्या निकालाच्या विरुद्ध उच्च न्यायालयात दाद मागण्यात येणार आहे.
सविस्तर वाचा…
12:33 (IST) 10 May 2024
कान्होजी आंग्रे समाधी स्थळाचे सुशोभिकरण रखडले; दोन महिन्यांपासून काम बंद
सरखेल कान्होजी आंग्रे समाधी स्थळ परिसराच्या सुशोभीकरणाचे काम रखडण्याची चिन्ह दिसू लागली आहेत. गेल्या दोन महिन्यांपासून सुशोभिकरणाचे काम ठप्प झाले आहे. पुरातत्व विभागाच्या हस्तक्षेपामुळे हे काम थांबविण्यात आले असल्याचे सांगितले जात आहे.
सविस्तर वाचा…
11:29 (IST) 10 May 2024
डॉ.नरेंद्र दाभोलकर यांच्या हत्या प्रकरणात दोन जणांना जन्मठेप
अंधश्रद्धा निर्मूलन समितीचे डॉ. नरेंद्र दाभोलकर यांच्या हत्या प्रकरणाचा निकाल आज पुणे सत्र न्यायालयाने दिला. डॉ. दाभोलकर यांच्या हत्या प्रकरणाचा निकाल तब्बल अकरा वर्षांनी लागला आहे. सचिन अंदुरे, शरद कळसकर हे या प्रकरणात दोषी ठरले असून त्यांना जन्मठेपेची शिक्षा ठोठावण्यात आली आहे. तर दोन जणांची निर्दोष मुक्तता करण्यात आली आहे.
11:06 (IST) 10 May 2024
निवडणुकीच्या पार्श्वभूमीवर प्रतिबंधात्मक कारवायांमध्ये वाढ; जानेवारी-एप्रिलदरम्यान साडेनऊ हजारांहून अधिक कारवाया
निवडणुकांच्या पार्श्वभूमीवर यंदा मुंबईतील प्रतिबंधात्मक कारवाईत प्रचंड वाढ झाली असून यावर्षी ९,५९३ प्रतिबंधात्मक कारवाया करण्यात आल्या आहेत. जानेवारी – एप्रिल या चार महिन्यांमध्ये ही कारवाई करण्यात आली आहे. सविस्तर वाचा…
11:05 (IST) 10 May 2024
गोखले पुलाच्या दुसऱ्या तुळईचे काम लांबणीवर; ३० सप्टेंबरची नवी मुदत
अंधेरी पूर्व-पश्चिमेला जोडणाऱ्या गोखले पुलाच्या दुसऱ्या तुळईचे (गर्डर) सर्व सुटे भाग अद्याप मुंबईत आलेले नाहीत. त्यामुळे दुसरी तुळई बसवण्याचे काम सुमारे तीन महिने लांबणीवर गेले आहे. सविस्तर वाचा…
11:04 (IST) 10 May 2024
मुंबईः सीमाशुल्क विभागाने ताब्यात घेतलेल्या कंटेनरमधून ४२ लाखांच्या कपड्यांची चोरी
सीमाशुल्क चुकवून चीनमधून आलेल्या कंटेनरमधून ४२ लाखांच्या कपड्यांची चोरी झाल्याचा धक्कादायक प्रकार उघडकीस आला आहे. हा कंटेनर २०२२ मध्ये ताब्यात घेऊन शिवडीतील गोदामात ठेवण्यात आला होता. सविस्तर वाचा…
11:03 (IST) 10 May 2024
निवडणूक प्रचारावर तटकरेंकडून ५८ लाख रुपयांचा खर्च; अनंत गितेंकडून प्रचारासाठी ३० लाखांचा खर्च
रायगड लोकसभा मतदारसंघातील १३ उमेदवारांच्या निवडणूक खर्चाचा खर्च निरीक्षक धीरेंद्रमनी त्रिपाठी यांनी तिसरा व अंतिम आढावा घेतला. यात सुनील तटकरे यांनी प्रचारासाठी सर्वाधिक खर्च केल्याची दिसून आहे. त्याखालोखाल अनंत गीते आणि कुमूदीनी चव्हाण यांनी प्रचारासाठी खर्च केल्याचे समोर आले. सविस्तर वाचा…
11:02 (IST) 10 May 2024
मुलुंडमध्ये नाकाबंदी दरम्यान आढळली ४७ लाखांची रोकड
मुंबईत सध्या नाकाबंदी दरम्यान मोठ्या प्रमाणात रोकड मिळत आहे. मुलुंड परिसरात गुरुवारी एका मोटारीत पोलिसांना ४७ लाखांची रोकड जप्त केली असून याप्रकरणी पोलीस अधिक तपास करत आहेत. सविस्तर वाचा…
