17:22 (IST) 1 May 2024
काँग्रेस नेते विजय वडेट्टीवार यांची मुलगी शिवानीला काँग्रेसची नोटीस
विधानसभेचे विरोधी पक्षनेते विजय वडेट्टीवार यांची कन्या शिवानी वडेट्टीवार यांनी लोकसभा निवडणुकीत प्रचार न केल्यामुळे त्यांना नोटीस देण्यात आली आहे. त्यांच्यासह ५० इतर कार्यकर्त्यांनाही नोटीस देण्यात आली आहे. तर दोन पदाधिकाऱ्यांना पदावरून हटविण्यात आले आहे.
16:53 (IST) 1 May 2024
शाहू महाराजांना जिंकवण्याचे समाजवादी पक्षाचे आवाहन; रईस शेख यांचे खुले पत्र
कोल्हापूर : कोल्हापूर लोकसभा मतदारसंघातून महाविकास आघाडीतर्फे काँग्रेसचे उमेदवार छत्रपती श्रीमंत शाहू महाराज यांना मोठ्या मताधिक्याने विजयी करा, असे आवाहन समाजवादी पक्षाने (सपा) केले आहे. यासंदर्भात समाजवादी पक्षाचे भिवंडी पूर्वचे आमदार रईस शेख यांनी बुधवारी खुले पत्र लिहिले आहे. त्याव्दारे त्यांनी कोल्हापूर परिसरातील सपा कार्यर्त्यांना आवाहन केले आहे. समाजवादीचे शिवाजीनगर- मानखुर्द आणि भिवंडी पूर्व, असे राज्यात दोन आमदार आहेत.
१ मे या महाराष्ट्र स्थापना दिनाच्या निमित्ताने समाजवादी पक्षाचे आमदार रईस शेख यांनी कोल्हापूरकरांना आवाहन केले आहे. त्यासंदर्भात लिहिलेल्या खुल्या पत्रात ते म्हणतात की, उच्चवर्णियांच्या सर्वंकष गुलामगिरीतून महाराष्ट्रातील बहुजनांची मुक्तता राजर्षी शाहू महाराज यांनी केली. देश आज निर्णायक वळणावर उभा आहे. तोच वसा जिवंत ठेवण्यासाठी श्रीमंत शाहू महाराज यांनी महाविकास आघाडीच्या आग्रहास्तव उमेदवारी स्वीकारली आहे.
कोल्हापूर शहराला हिंदू-मुस्लिम ऐक्याची महान परंपरा आहे. अलिकडच्या काळात उसवत चाललेली सामाजिक-धार्मिक वीण कोल्हापूरकरांसाठी चिंतेचा विषय आहे. थेट छत्रपतींचा वारसा असणारी, ज्यांच्याबद्दल जनमानसात आदर आहे, ज्यांचे व्यक्तिमत्त्व सर्वमान्य आहे, असे उमेदवार कोल्हापूरकरांना लाभले आहेत. आपल्या शहराची उज्वल पुरोगामी परंपरा कायम राखण्यासाठी शाहू महाराज लोकसभेत जाणे अगत्याचे आहे, असे आवाहन आमदार रईस शेख यांनी केले आहे.
16:52 (IST) 1 May 2024
मुख्यमंत्र्यांच्या उमेदवारांसाठी राज ठाकरे यांच्या सभा
ठाणे आणि कल्याण या दोन्ही मतदारसंघातील शिंदे गटाच्या उमेदवारांनी महाराष्ट्र नवनिर्माण सेनेचे प्रमुख राज ठाकरे यांची मुंबईतील शिवतीर्थ या निवास्थानी भेट घेतली.
सविस्तर वाचा…
16:19 (IST) 1 May 2024
डोंबिवलीतील प्रवाशाचा दिवा-मुंब्रा रेल्वे स्थानकांदरम्यान मृत्यू
गेल्या आठवडाभर डोंबिवली ते मुंब्रा रेल्वे स्थानकांंदरम्यान प्रवाशांचे लोकलमधील गर्दीमुळे पडून मृत्यू होत आहेत.
सविस्तर वाचा…
15:45 (IST) 1 May 2024
उमेदवारी जाहीर झाल्यानंतर नरेश म्हस्के यांची पहिली प्रतिक्रिया, “ठाण्यातील शिवसैनिक दाखवतील निष्ठावंत कोण आहे ते…”
ठाणे लोकसभेची उमेदवारी बुधवारी शिंदे गटाचे ठाणे जिल्हा प्रमुख नरेश म्हस्के यांना जाहीर झाली आहे.
सविस्तर वाचा…
15:43 (IST) 1 May 2024
ठाकरे सेनेचे कोल्हापूर उपजिल्हाप्रमुख महादेव गौड यांचा पक्षाला रामराम; शिंदे सेनेत प्रवेश करणार
कोल्हापूर : उद्धव ठाकरे शिवसेनेचे कोल्हापूर उपजिल्हा प्रमुख, इचलकरंजी नगरपालिकेचे माजी नगरसेवक महादेव गौड यांनी महाराष्ट्र दिनी पक्षाला जय महाराष्ट्र केला. उद्योगमंत्री उदय सामंत, शिंदे शिवसेनेचे जिल्हाप्रमुख रवींद्र माने यांच्या उपस्थितीत त्यांनी हा निर्णय घेतला. तर उद्या गुरुवारी मुख्यमंत्री एकनाथ शिंदे यांच्या उपस्थितीमध्ये ते शिंदे शिवसेनेमध्ये प्रवेश करणार आहेत.
सविस्तर वाचा…
15:28 (IST) 1 May 2024
कोल्हापूर : पराभवाच्या भीतीने मोदींचे काँग्रेसवर बेछूट आरोप; रमेश चेनिथला
कोल्हापूर : लोकसभा निवडणुकीच्या पहिल्या दोन टप्प्यातील मतदानाचा कल पाहता भारतीय जनता पक्षाला धक्का बसणार असे चित्र आहे. त्यामुळे पंतप्रधान नरेंद्र मोदी यांनी काँग्रेसवर बेछूट आरोप चालवले आहेत. मोदी यांच्या मनात निर्माण झालेली ही भीती आहे, अशी टीका महाराष्ट्र काँग्रेसचे प्रभारी रमेश चेनिथला यांनी येथे पत्रकार परिषदेत बोलताना केली. यावेळी कोल्हापूर जिल्हा काँग्रेसचे अध्यक्ष सतेज पाटील उपस्थित होते.
सविस्तर वाचा…
15:13 (IST) 1 May 2024
डोंबिवलीतील कोपरमध्ये रस्ता बंद करून बेकायदा इमारतीची उभारणी, परिसरातील सोसायट्यांमधील रहिवाशांमध्ये तीव्र नाराजी
बेकायदा इमारतीची कल्याण डोंबिवली पालिकेत तक्रार केली तर भूमाफियांंकडून त्रास होईल या भीतीने स्थानिक रहिवासी तक्रार करण्यास पुढे येत नाहीत.
सविस्तर वाचा…
14:45 (IST) 1 May 2024
महाराष्ट्र दिनाच्या पूर्वसंध्येला महिलांवरील अत्याचाराच्या अनेक घटना विविध पोलीस ठाण्यात दाखल
पहिल्या घटनेत शाळेच्या शिक्षिकेकडे बालिकेने सावत्र बापाकडून अत्याचार होत असल्याचे सांगितल्यावर घटनेला वाचा फुटली.
सविस्तर वाचा…
14:39 (IST) 1 May 2024
नाशिकमध्ये हेमंत गोडसेंच्या उमेदवाराला भाजपाच्या नाराजीचे विघ्न
एक महिन्यापासून नाशिक लोकसभेचा उमेदवार कोण? अशी चर्चा रंगत असताना आता हेमंत गोडसे यांच्या नावावर शिक्कामोर्तब झाले आहे. मात्र हेमंत गोडसे यांना उमेदवारी दिल्याने भाजपकडून इच्छुक असलेले दिनकर पाटील नाराज असून त्यांनी आपली नाराजी उघडपणे मांडली आहे. तसेच हेमंत गोडसे यांचे निवडून येणे अवघड असल्याचेही ते म्हणाले.
14:32 (IST) 1 May 2024
छत्रपती संभाजीनगर तलाठी भरतीसंदर्भात मॅटचे “जैसे-थे”चे आदेश
छत्रपती संभाजीनगर – छत्रपती संभाजीनगर जिल्ह्यातील तलाठी भरती संदर्भातील नेमणुकांबाबत “जैसे-थे” परिस्थिती ठेवण्याचे आदेश महाराष्ट्र प्रशासकीय न्यायाधिकरणाच्या औरंगाबाद खंडपीठाचे न्या. पी. आर. बोरा व विनय कारगांवकर यांनी दिले आहेत.
सविस्तर वाचा…
14:04 (IST) 1 May 2024
शहापूर तालुक्यातील शेतकऱ्यांमध्ये उष्माघाताचे सर्वाधिक प्रमाण, बांधकामांवरील मजूर, कष्टकऱ्यांनाही फटका
मागील पंधरा दिवसांंपासून ठाणे जिल्ह्यातील कल्याण, शहापूर, मुरबाड, भिवंडी तालुक्यातील तापमानाचा पारा ४२ ते ४३ अंश सेल्सिअसपर्यंत आहे.
सविस्तर वाचा…
14:00 (IST) 1 May 2024
वसई : सफाई कर्मचार्‍यांचा मृत्यू; राष्ट्रीय सफाई आयोगाकडून कारवाईचे निर्देश, मृतांच्या कुटुंबियांना प्रत्येकी ३० लाखांची मदत
वसई : विरारच्या ग्लोबल सिटी सांडपाणी प्रकल्पात चार कामगारांचा मृत्यू झाला होता. ही घटना निष्काळजीपणामुळे घडल्याने याप्रकरणी ठेकेदारावर कडक कारवाईचे तसेच प्रत्येक मृताच्या वारसांना कंपनीने ३० लाख रुपये नुकसानभरपाई देण्याचेही निर्देश आयोगाच्या अध्यक्षांनी दिले आहेत.
सविस्तर वाचा…
13:51 (IST) 1 May 2024
मेळघाटात भीषण पाणीटंचाई, सात गावांमध्‍ये टँकर
आदिवासी वस्त्या तहानेने व्याकुळ झाल्या आहेत. रात्रीबेरात्री पाण्यासाठी आदिवासी बांधवांची भटकंती सुरू आहे.
सविस्तर वाचा…
13:41 (IST) 1 May 2024
नाशिक, दिंडोरीसाठी महायुतीची शक्ती प्रदर्शनाची तयारी, दोन्ही मतदारसंघात गुरुवारी अर्ज भरणार
दोन्ही मतदार संघातील कार्यकर्ते मोठ्या संख्येने सहभागी होऊन विक्रम रचतील, असा विश्वास भाजपचे नेते गिरीश महाजन यांनी व्यक्त केला.
सविस्तर वाचा…
13:19 (IST) 1 May 2024
मुंबई : ‘मेट्रो ३’च्या कामासाठी बंद केलेले हुतात्मा चौक, वरळी, दादरमधील रस्ते लवकरच खुले होणार
मुंबई : मुंबई मेट्रो रेल कॉर्पोरेशनने (एमएमआरसी) आतापर्यंत ‘कुलाबा – वांद्रे – सिप्झ मेट्रो ३’ मार्गिकेतील १४,७१६ मीटर लांबीचे रस्ते वाहतुकीसाठी खुले केले आहेत. दक्षिण मुंबईतील ‘मेट्रो ३’ प्रकल्पाच्या कामासाठी बंद केलेले रस्ते एमएमआरसी येत्या १५ दिवसांत मोकळे करणार आहे.
सविस्तर वाचा…
13:16 (IST) 1 May 2024
ठाण्याची जागा शिवसेनेकडे, मिरा भाईंदर भाजपात नाराजी
भाईंदर :- ठाणे लोकसभा जागेवर शिवसेनेचा उमेदवार घोषित झाल्यामुळे मिरा भाईंदर भाजपमध्ये नाराजीचे वातावरण पसरले आहे. त्यामुळे याचा थेट फटका महायुतीच्या प्रचारावर होणार असल्याची शक्यता आहे.
सविस्तर वाचा…
13:07 (IST) 1 May 2024
फडणवीस यांचा रामटेकमध्ये काय आहे प्लॅन ‘बी ‘ ?
रामटेक लोकसभा निवडणुकीत महायुतीचा परिभव होतोय, अशी शक्यता महायुतीच्याच अंतर्गत सर्वेक्षणातून वर्तवली जात असल्याने नेते धास्तावले आहेत.
सविस्तर वाचा…
13:04 (IST) 1 May 2024
पनवेल न्यायालयाबाहेर वृद्धाला बेदम मारहाण
पनवेल शहरातील जिल्हा अतिरिक्त न्यायालयासमोर एका वृद्धाला बेदम मारहाण झाल्याची घटना मंगळवारी दुपारी घडली आहे. अब्दुल अजिज अल्लिमीया पटेल असे जखमी ६५ वर्षीय वृद्ध व्यक्तीचे नाव आहे.
मंगळवारी दुपारी पावनेदोन वाजता न्यायालयाच्या बाहेर अब्दुल यांना मारहाण झाली. याबाबत रितसर तक्रार पनवेल शहर पोलीस ठाण्यात नोंदविण्यात आली आहे. तळोजा येथे राहणा-या गुलजार पटेल हा अब्दुल यांना खबरी असल्याची आरडाओरड करु लागला. अब्दुल यांच्या शर्टाला पकडून त्यांना गुलजार न्यायालयाबाहेर घेऊन गेला आणि त्याने शिविगाळ करुन गाडीच्या वायरने अब्दुल यांना मारहाण केली. काही दिवसांपूर्वी पनवेल न्यायालयाबाहेर एका महिलेचा विनयभंग जेष्ठाने केल्याची तक्रार शहर पोलीस ठाण्यात दाखल करण्यात आली आहे. या जेष्ठाने महिलेला डोळा मारल्याने ही तक्रार नोंदविली गेली होती.
12:54 (IST) 1 May 2024
मुंबई : ‘मेट्रो ३’च्या कामासाठी बंद केलेले हुतात्मा चौक, वरळी, दादरमधील रस्ते लवकरच खुले होणार
मुंबई : मुंबई मेट्रो रेल कॉर्पोरेशनने (एमएमआरसी) आतापर्यंत ‘कुलाबा – वांद्रे – सिप्झ मेट्रो ३’ मार्गिकेतील १४,७१६ मीटर लांबीचे रस्ते वाहतुकीसाठी खुले केले आहेत. दक्षिण मुंबईतील ‘मेट्रो ३’ प्रकल्पाच्या कामासाठी बंद केलेले रस्ते एमएमआरसी येत्या १५ दिवसांत मोकळे करणार आहे. हुतात्मा चौक, वरळी, दादर आदी भागांतील हे रस्ते असून त्यामुळे वाहनचालक, प्रवासी आणि पादचाऱ्यांना मोठा दिलासा मिळणार आहे.
सविस्तर वाचा…
12:48 (IST) 1 May 2024
‘शिरूर’च्या दोन्ही उमेदवारांचे भोसरीवर लक्ष; काय आहे कारण?
राष्ट्रवादीचे उमेदवार शिवाजीराव आढळराव-पाटील यांनीही मताधिक्य कायम राहावे, यासाठी भोसरीत लक्ष घातले आहे.
सविस्तर वाचा…
12:47 (IST) 1 May 2024
अजित पवारांना २०२४ नंतर पुन्हा दैवत बदलावे लागणार, संजय राऊत यांची टीका
“शरद पवारांना मी दैवत मानत होतो, पण आता माझी भूमिका वेगळी आहे”, असे विधान उपमुख्यमंत्री अजित पवार यांनी केले होते. या विधानावर शिवसेना उबाठा गटाचे नेते संजय राऊत यांनी टीका केली आहे. शिवसेना उबाठा गट आणि राष्ट्रवादी काँग्रेस महाराष्ट्राच्या स्वाभिमानासाठी ठामपणे उभे राहणार आणि लढत राहणार आहे. २०२४ ला सरकार बदलणार आणि केंद्रात नरेंद्र मोदी नसणार तेव्हा अजित पवारांना पुन्हा ईडीची नोटीस येईल. तेव्हा त्यांना पुन्हा एकदा दैवत बदलले असेल, असा टोला संजय राऊत यांनी लगावला.
12:27 (IST) 1 May 2024
नागपूर: तीन महिन्यांत दोन लाखांवर हेल्मेट न घालणाऱ्यांवर कारवाई, पावणेपाच कोटी रुपयांचा दंड वसूल
नागपुरात वाहतुकीच्या नियमांचे उल्लंघन करणाऱ्यांमध्ये मोठी चढाओढ असते. शासनाकडून दंडाची रक्कम वाढवल्यानंतर वाहतूक नियम पाळणाऱ्यांची संख्या वाढेल, अशी आशा होती.
सविस्तर वाचा…
12:16 (IST) 1 May 2024
वैद्यकीय विद्यार्थ्यांच्या मानसिक आरोग्याबाबत सर्वेक्षण करणार, राष्ट्रीय आयुर्विज्ञान आयोगाचा निर्णय
मुंबई : वैद्यकीय महाविद्यालयात विद्यार्थ्यांचे होणारे रॅगिंग, अभ्यासाचा ताणतणाव, घरापासून दूर असल्याने येणारा तणाव असे विविध प्रश्न वैद्यकीय विद्यार्थ्यांना भेडसावत असतात. वैद्यकीय महाविद्यालयात विद्यार्थ्यांचे होणारे रॅगिंग रोखण्यासाठी राष्ट्रीय आयुर्विज्ञान आयोगाकडून वेळोवेळी महत्त्वपूर्ण पावले उचलली आहेत. यातूनच आता वैद्यकीय विद्यार्थ्यांच्या मानसिक आरोग्याची माहिती जाणून घेण्यासाठी आयोगाकडून सर्वेक्षण करण्याचा निर्णय घेण्यात आला आहे.
सविस्तर वाचा…
12:14 (IST) 1 May 2024
डोंबिवलीतील ठाकुर्ली उड्डाण पूल कोंडीच्या विळख्यात, दररोज रात्री आठ ते दहा वाजेपर्यंत पुलावर वाहनांचा रांगा
डोंबिवली पूर्व-पश्चिम भाग जोडणारा शहरातील सर्वाधिक महत्वाचा ठाकुर्ली उड्डाण पूल गेल्या काही दिवसांंपासून दररोज सकाळी, रात्री आठ वाजल्यानंतर वाहन कोंडीत अडकत आहे.
वाचा सविस्तर…
12:02 (IST) 1 May 2024
आंबा पल्प उद्योग अडचणीत, गेल्या वर्षाचा ३० टक्के पल्प पडून ?
पुणे : राज्यातील पल्प उद्योग (कॅनिंग ) अडचणीत सापडला आहे. मागील वर्षीचा ३० टक्के पल्प (गर) पडून आहे. त्यामुळे यंदाच्या हंगामात किती पल्प तयार करायचा, बाजारात अपेक्षित दर मिळेल का, अशी संभ्रमावस्था पल्प उद्योगात आहे.
वाचा सविस्तर…
12:01 (IST) 1 May 2024
पुणे: अपहृत बालकाची तीन लाखांत विक्री, दोघांना अटक; सूत्रधार पसार
बालकाचे अपहरण केल्यानंतर त्याची तीन लाख रुपयांमध्ये दक्षिण सोलापूरमधील एकास विक्री करण्यात आल्याचे तपासात उघडकीस आले आहे.
सविस्तर वाचा…
11:53 (IST) 1 May 2024
नाशिक: उमेदवारी अर्ज भरण्यासाठी उरले दोन दिवस
अर्ज दाखल करण्यासाठी केवळ दोन दिवसांचा अवधी असल्याने अखेरच्या टप्प्यात उमेदवारांची गर्दी होण्याची चिन्हे आहेत.
सविस्तर वाचा…
11:53 (IST) 1 May 2024
सिद्धेश्वरानंद महाराजांकडे दीड कोटींची संपत्ती, सोन्याचा मुलामा असणारे पावणेतीन लाखाचे घड्याळ
नाशिक मतदारसंघात आधी अर्ज भरणाऱ्या शांतिगिरी महाराजांकडे तब्बल ३९ कोटींची संपत्ती आहे.
सविस्तर वाचा…
11:52 (IST) 1 May 2024
ठाणे: बाळकूम भागात मोठे वाहतूक बदल
बाळकूम परिसरात साईबाबा मंदिर आहे. या मंदिराचा वर्धापन दिन सोहळा मंगळवारपासून साजरा केला जात आहे.
सविस्तर वाचा…
11:52 (IST) 1 May 2024
समुद्रालगतच्या १०० फूट उंच सुया सुळक्यावरून राज्याला मानवंदना
कल्याण येथील सह्याद्री रॉक ऍडवेंचर ही गिर्यारोहन संस्था आहे. या संस्थेतील गिर्यारोहक साहसी कामगिरी करत विक्रम करत असतात.
सविस्तर वाचा…
11:51 (IST) 1 May 2024
पंतप्रधानांनी आपल्या गुरूविषयी वापरलेली भाषा निषेधार्ह; काँग्रेसच्या ज्येष्ठ नेत्याची टीका
पंतप्रधानांनी शरद पवार यांना आपले गुरू संबोधले होते. त्यामुळे आपल्या गुरूविषयी असे शब्द वापरणे योग्य नाही, असा टोला काँग्रेसचे जेष्ठ नेते माजी आमदार उल्हास पवार यांनी लगावला.
सविस्तर वाचा…
11:50 (IST) 1 May 2024
कोव्हिशिल्ड लशीमुळे धोका किती? कोविड कृती दलाचे अध्यक्ष डॉ. रमण गंगाखेडकरांनी दिलं उत्तर…
ब्रिटनमधील ॲस्ट्राझेनेका कंपनीने त्यांच्या करोनावरील लशीमुळे थ्रॉम्बोसिस विथ थ्रॉम्बोसायटोपेनिया सिंड्रोम (टीटीएस) दुष्परिणाम होऊ शकतात, असे म्हटले आहे.
सविस्तर वाचा…
11:50 (IST) 1 May 2024
स्वातंत्र्यवीर सावरकर यांच्यावरील चित्रपट अवघड का होता? रणदीप हुडा यांनी सांगितले कारण…
हुडा म्हणाले, की सावरकर यांना पडद्यावर साकारणे कठीण नव्हते, पण पडद्यामागे सावरकर होणे कठीण होते.
सविस्तर वाचा…
11:50 (IST) 1 May 2024
तीन दिवस उष्णतेच्या लाटेचे; जाणून घ्या मुंबईसह मध्य महाराष्ट्रात काय होणार?
मुंबईसह कोकण, खान्देश, मध्य महाराष्ट्र आणि मराठवाड्यातील एकूण २२ जिल्ह्यांत पुढील पाच दिवस उष्णतेच्या लाटेची शक्यता आहे.
सविस्तर वाचा…
11:35 (IST) 1 May 2024
जनशताब्दी, कोकणकन्या एक्स्प्रेसची प्रतीक्षा यादी ७६ हजारांवर
मुंबई : गणेशोत्सव, होळी तसेच इतर सण – उत्सवांनिमित्त आणि उन्हाळ्याच्या सुट्टीत मुंबईस्थित कोकणवासीय कोकणाची वाट धरतात. त्यामुळे मध्य आणि कोकण रेल्वेवरील नियमित रेल्वेगाड्यांची प्रतीक्षा यादी २०० पेक्षा अधिक असते. गेल्या आर्थिक वर्षात जनशताब्दी आणि कोकणकन्या एक्स्प्रेसला प्रवाशांची प्रचंड मागणी होती. त्यामुळे या कालावधीत या दोन्ही एक्स्प्रेसची प्रतीक्षा यादी प्रत्येकी ७६ हजार पार गेली होती.
सविस्तर वाचा…
11:34 (IST) 1 May 2024
उद्या कोणी याचिका करून पद्म पुरस्काराची मागणी करेल, उच्च न्यायालयाचे हस्तक्षेप याचिका करणाऱ्यांना खडेबोल
मुंबई : प्रकरण न्यायप्रविष्ट असल्यामुळे राज्यपाल नामनिर्देशित १२ आमदारांच्या नियुक्तीच्या शिफारशीबाबत अद्याप निर्णय झालेला नाही. परिणामी, नामनिर्देशित आमदाराच्या निकषात बसूनही आपण नियुक्ती होण्यापासून वंचित राहत आहोत, असा दावा अकोलास्थित गोपीकिशन बजोरीया यांनी हस्तक्षेप याचिकेद्वारे मंगळवारी उच्च न्यायालयात केला. मात्र, तुम्ही कोणत्या अधिकाराअंतर्गत ही याचिका केली ? असा प्रश्न करून उद्या कोणीही जनहित याचिका करेल आणि पद्म पुरस्कारासाठी आपल्या नावाची शिफारस करण्याची मागणी करेल, अशा शब्दांत न्यायालयाने बजोरिया यांना फटकाले.
सविस्तर वाचा…
11:33 (IST) 1 May 2024
गडचिरोलीत सक्रिय जहाल नक्षल नेता जोगन्ना अबुझमाडच्या चकमकीत ठार, शंभरहून अधिक गुन्ह्यांत आरोपी
२०१० साली आर.आर.पाटील गडचिरोलीचे पालकमंत्री असताना राष्ट्रवादी काँग्रेस पक्षाचे पदाधिकारी श्रीनिवास गोडसेलवार यांचे नक्षल्यानी अपहरण केले होते.
सविस्तर वाचा…
11:33 (IST) 1 May 2024
धक्कादायक! बनावट कागदपत्रांवरून परराज्यातील वाहनांची नागपूर आरटीओत नोंदणी
या प्रकरणाच्या चौकशीमुळे नागपूर ग्रामीण आरटीओतील अधिकारी-कर्मचाऱ्यांचे धाबे दणाणले आहे.
सविस्तर वाचा…
11:32 (IST) 1 May 2024
सावधान! राज्यात मागील वर्षीच्या तुलनेत ‘डेंग्यू’चे रुग्ण दुप्पट!
२०२४ मध्ये याच काळात राज्यात तब्बल १ हजार ४३५ रुग्ण नोंदवले गेल्याचेही आरोग्य विभागाच्या अहवालातून पुढे आले आहे.
सविस्तर वाचा…
11:05 (IST) 1 May 2024
आता केवळ नाशिकचा तिढा बाकी, मतदारसंघ कुणाकडे?
शिवसेना शिंदे गटाने दक्षिण मुंबई आणि ठाण्यातील उमेदवार जाहीर केल्यानंतर आता केवळ नाशिक लोकसभा मतदारसंघाचा तिढा बाकी आहे. आज दुपारपर्यंत याठिकाणी उमेदवाराची घोषणा होऊ शकते, असे सांगितले जाते. भाजपाचे चंद्रशेखर बावनकुळे, मंत्री गिरीश महाजन हे नाशिकमध्ये ठाण मांडून आहेत. तर शिवसेनेकडूनही हा मतदारसंघ स्वतःकडे राहावा यासाठी प्रयत्न केले जात आहेत.
